ببساطة، شو بنعمل بمعلوماتك

حليب سوق بس

حليب منصة بتجمع البائعات والمحلات. البيع والشراء والتوصيل والدفع بيصيروا مباشرة بينك وبين البائعة.

الدفع

حليب ما بتستلم ولا بتحتفظ ولا بتحوّل أي مصاري، وما بتتحقق من الحوالات. إيصال الدفع اللي بترفعه بيشوفه بس إنت والبائعة.

الأسعار

كل بائعة بتحط أسعارها بنفسها، وما حدا غيرها بيقدر يغيّرها.

شو منحفظ عنك

• اسم المحل ونوعه ومدينته وعنوان التوصيل
• رقم الموبايل وحساب Telegram إذا ربطته
• طلباتك ودفعاتك والتقييمات بينك وبين البائعات

مين بيشوفها

البائعة بتشوف معلومات طلبها بس. فريق Startup Syria بيشوف المعلومات ليدير المنصة. ما منبيع ولا منشارك معلوماتك مع حدا، وما في إعلانات ولا متتبّعين.

التقييمات

البائعة بتقيّمك بعد التوصيل وإنت بتقيّمها. إذا شفت تقييم مو عادل، بلّغنا ومنراجعه.